ខេត្តមណ្ឌលគិរី ៖ នាព្រឹកថ្ងៃទី០៩ មីនា ២០២៣ នៅសាលសាលាស្រុកកែវសីមា បានរៀបចំពិធីខួបលើកទី១១២ ទិវាអន្តរជាតិនារី ៨មីនា ឆ្នាំ២០២៣ ក្រោមប្រធានបទ ស្ត្រីរួមគ្នា រក្សាសុខសន្តិភាព ដើម្បីកិច្ចអភិវឌ្ឍក្នុងយុគសម័យឌីជីថល ក្រោមអធិបតីភាពលលោកស្រី ម៉ាលី សុខនី ប្រធានមន្ទីរកិច្ចការនារីខេត្តមណ្ឌលគិរី លោក-លោកស្រីអនុប្រធានមន្ទីរ លោកយិន សុខឡេង អភិបាលរងស្រុក លោកគ្រូអ្នកគ្រូ ប្រជាសហគមន៏ សិក្សានុសិស្ស និងតំណាងអង្គការមរតកបៃតង ប្រមាណជិត២០០នាក់ចូលរួមក្រោមបរិយាកាសសប្បាយរីករាយ។ លោកស្រី ម៉ាលី សុខនី ប្រធានមន្ទីរកិច្ចការនារីខេត្តមណ្ឌលគិរីមានប្រសាសន៏ថា ប្រធានបទអបអរសាទរខួបលើទី១១២ នៃទិវាអន្តរជាតិនារី ៨មីនា ដែលក្រសួងកិច្ចការនារីបានលើកឡើងជាពាក្យស្លោកនាឆ្នាំ២០២៣នេះទទួលបានការចាប់អារម្មណ៏យ៉ាងខ្លាំងពីសំណាក់ មហាជនជាតិនិងអន្តរជាតិ ខណៈស្ត្រីបានចូលរួមចំណែកកាន់តែច្រើនក្នុងសង្គមនិងការងារអភិវឌ្ឍន៏ប្រទេសជាតិលើគ្រប់វិស័យ។ ប្រធានបទទិវាអន្តរជាតិនារី ៨មីនា ក្នុងឆ្នាំនេះ ក្រសួងកិច្ចការនារី បានរំលេចនៅពាក្យ គន្លឹះ២គឺ ទី១ពាក្យថាសុខសន្តិភាព គឺដោយសារយើងរស់នៅ ត្រូវការសុខសន្តិភាពជាចាំបាច់ ដើម្បី ទទួលបានកិច្ចអភិវឌ្ឍន៍ លើកកម្ពស់សិទ្ធិមនុស្ស និងសិទ្ធិស្ត្រី។ ពេលដែលមានសុខសន្តិភាព អាចនាំ សង្គមទាំងទទួលបាននូវសមភាពយេនឌ័រ ហើយស្ត្រីទទួលបានផលប្រយោជន៍កាន់តែល្អប្រសើរ។ ទី២ […]
