ស្វាយរៀងៈ នៅរសៀលថ្ងៃទី៨ខែមករា ឆ្នាំ២០២៣ សង្កាត់ច្រកម្ទេស ក្រុងបាវិតមានរៀបចំពីធីអបអរសាទរ ខួបអនុស្សាវរីយ៍លើទ៏៤៤(៧មករាឆ្នាំ១៩៧៩- 7មករាឆ្នាំ2023)ក្រោមអធិបតីភាពឯកឧត្តមទេសរដ្ឋមន្ត្រី លី ធុជ សមាជិកគណៈកម្មាធិការ កណ្តាលគណបក្សប្រជាជនកម្ពុជា អនុប្រធានក្រុមការងារថ្នាក់កណ្តាល ចុះពង្រឹងមូលដ្ឋាន ខេត្តស្វាយរៀង និងជាប្រធានក្រុមការងារ ចុះមូលដ្ឋានក្រុងបាបាវិត ព្រមទាំងអនុប្រធានក្រុមការងារចុះជួយក្រុងបាវិត ប្រធាន អនុប្រធានក្រុមការងារចុះជួយសង្កាត់ច្រកម្ទេស ព្រមទាំងមានសមាជិក សមាជីការបានចូលរួម ប្រមាណជាង៥០០នាក់។ឯកឧត្តម ទេសរដ្ឋមន្ត្រី លីធុជបានមានប្រសាសន៍ថាៈ មានគណបក្សប្រជាជនកម្ពុជា និងសម្តេចតេជោនាយករដ្ឋមន្ត្រី ទើបប្រជាជនយើង រួចផុតពីរបបគុកឥតជញ្ជាំង និងមានសន្តិភាព និងការអភិវឌ្ឍលើគ្រប់វិស័យ ដូចសព្វថ្ងៃនេះ។ឯកឧត្តម ទេសរដ្ឋមន្ត្រី បានលើកឡើងថាៈ មុនថ្ងៃទី៧ មករា ឆ្នាំ១៩៧៩ យើងបាត់បង’អ្វីៗទាំងអស់ សូម្បីតែជីវិតផ្ទាល់ខ្លួនយើង ក៏មិនអាច ការពារបានដែរ។ដូច្នេះហើយសូមបងប្អូនប្រជាពលរដ្ឋត្រូវចងចាំជានិច្ចនូវគុណដ៍ថ្លៃថ្លាថ្ងៃ៧មករា មិនអាចបំភ្លេចគ្រប់ៗគ្នា និងដឹងគុណជានិច្ចចំពោះគណបក្សប្រជាជនកម្ពុជា បានរំដោះប្រទេសជាតិរំដោះអាយុជីវិតប្រជាពលរដ្ឋរាបលាននាក់។ក្នុងឪកាសនោះឯកឧត្តមព្រមក្រុមការងារបានចែកវត្តុអនុស្សាវរីយ៍ដល់សមាជិកសមាជិការផងដែរ។
