ខេត្តស្វាយរៀង:នាព្រឹកថ្ងៃទី៣ ខែធ្នូ ឆ្នាំ២០២២នេះ ឯកឧត្តម គឹមធា សមាជិកព្រឹទ្ធសភានិងឯកឧត្តម ជ័យសុន អ្នកតំណាងរាស្ត្រមណ្ឌលស្វាយរៀង បានអញ្ជើញជាអធិបតី ក្នុងពិធីមីទ្ទិញអបអរសាទរខួបអនុស្សាវរីយ៍លើកទី៤៤ ថ្ងៃកំណើ តរណសិរ្សសាមគ្គីអភិវឌ្ឍន៍មាតុភូមិកម្ពុជា(០២ ធ្នូ ១៩៧៨/០២ ធ្នូ ២០២២) នៅសាលប្រជុំគណបក្សប្រជាជនកម្ពុជា នៅទីស្នាក់ការគណបក្សប្រជាជនសង្កាត់ព្រៃអង្គុញក្រុងបាវិត។ ក្នុងឪកាសនោះ ឯកឧត្តម ជ័យសុន អ្នកតំណាងរាស្ត្រមណ្ឌលស្វាយរៀង ថ្លែងថា អត្ថន័យដ៏ជ្រាលជ្រៅនៃរណសិរ្សសាមគ្គីសង្គ្រោះជាតិកម្ពុជាបាន ចាប់ បដិសន្ធិឡើងនៅថ្ងៃទី ០២ ខែធ្នូ ឆ្នាំ១៩៧៨ និងបាន ប្រកាសចេញសេចក្ដីថ្លែងការណ៍ ១១ខ របស់ខ្លួននៅតំបន់រំដោះ ស្នួល ស្រុកស្នួល ខេត្តក្រចេះ។ រណសិរ្សសាមគ្គីសង្គ្រោះជាតិ កម្ពុជា ត្រូវបានកើតឡើងដោយកម្លាំងមហាសាមគ្គីប្រជាជន ទាំងមូល ទាំងក្នុង និងក្រៅប្រទេស ដែលមាន សម្តេចអគ្គមហា ពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម សម្ដេចអគ្គមហាសេនាបតីតេជោ ហ៊ុន សែន និងវីរជន ស្នេហាជាតិជាច្រើនរូបទៀត […]
